KM Montaj

2. Kirish: extension bilan bitta Google hisob

1. Dasturni oching va «Google bilan kirish» ni bosing.
2. Brauzer ochiladi — extension'da ishlatadigan aynan o'sha Google hisobini tanlang. Parolni faqat Google o'z sahifasida so'raydi, dastur uni ko'rmaydi.
3. Tugagach dasturga o'zi qaytasiz va obuna tekshiriladi.

• «Pro obuna kerak» chiqsa — bu hisobda Pro + Montaj ham, sinov ham yo'q: tarifni oling, keyin dasturda qayta tekshiring. Boshqa hisob bilan to'lagan bo'lsangiz — «Boshqa hisob bilan kirish».
• 3 ta kompyuter. To'rtinchisida «Kompyuterlar limiti» chiqadi — ro'yxatdan keraksizini «Uzish» (7 kunda 3 martagacha).
• Internet. Dastur ochilganda va ish davomida obunani tekshiradi; internet bo'lmasa oxirgi tekshiruvdan keyin 3 kungacha ishlaydi (obuna muddatidan oshmaydi). Kompyuter soatini orqaga surmang — litsenziya to'xtaydi.

3. Fayllarni tayyorlash

Sahna raqami fayl nomining boshida turadi. Bir raqamli fayllar — bitta sahna:

Loyiha/
├─ 1-IMAGE-Bozor.jpeg
├─ 1.wav
├─ 2-IMAGE-Karvon.jpeg
├─ 2-VIDEO.mp4        ← 2-sahnada klip rasm o'rniga
├─ 2.wav
├─ bgm.mp3            ← fon musiqa
└─ ovoz_matn.txt      ← 1. … 2. … (ovoz va subtitr matni)

• Raqam 1–3 xonali: 7, 07, 007_, 7-IMAGE… — hammasi 7-sahna. Sana, 1080p yoki uzun raqamlar sahna deb olinmaydi.
• Fayllar bitta papkada yoki rasmlar/, videolar/, ovozlar/ ichida bo'lishi mumkin. Bir raqamga bir nechta fayl bo'lsa — o'z papkasidagisi va _v2, (1) kabi nusxa bo'lmagani olinadi.
• E'tiborga olinmaydi: thumb/, characters/, referense/, videorasmlar/ papkalari; nomida muqova, thumbnail, cover, poster, banner yoki reference bo'lgan fayllar; raqamsiz va bo'sh fayllar. Tekshiruvda ular sababi bilan alohida ro'yxatda ko'rinadi.
• Bitta uzun ovoz. Butun senariy bitta audio faylda bo'lsa — «Ovoz» bo'limidagi «Bitta uzun ovoz» dan tanlang: dastur uni jimlik joylaridan sahnalarga bo'ladi. Eng aniq natija — har sahnaga alohida ovoz fayli. Ovoz umuman yo'q bo'lsa — 🎙 AI ovoz (4-bo'lim).
• Papkani tanlaganingizda (yoki oynaga sudrab tashlaganingizda) dastur tekshiradi. Fayl qo'shsangiz — qayta tekshiring.

4. 🎙 AI ovoz yaratish: tekin va sifatli

Sahna ovozlari yo'q bo'lsa, dasturning chapdagi «Ovoz» bo'limi ularni diktor matnidan o'zi yaratadi. Fayllar <loyiha>/ovozlar/1.wav, 2.wav … bo'lib tushadi va montaj ularni o'zi ishlatadi; mavjud ovoz fayllari qayta yozilmaydi. «Ovoz yaratish» ham montaj kabi faol litsenziya (Pro + Montaj yoki sinov) bilan ishlaydi.

Ishlatish: chapdagi «Ovoz» bo'limi → 1. Matn — raqamlangan matnni qo'ying → 2. Ovoz — variant va ovozni tanlang (▶ bilan tinglab ko'ring) → 3. Yaratish — dastur sahnalar sonini va sifatli variantda taxminiy narxni ko'rsatadi → «Ovoz yaratish». Jarayon pastki panelda ham ko'rinadi — shu orada boshqa bo'limlarni sozlash mumkin.

Ovoz matni — raqamlangan ro'yxat

Promptlaringizni yozgan AI'dan diktor matnini raqamlab yozib berishini so'rang — har raqam bitta sahna:

1. salom men keldim
2. ha yaxshi zo'r bo'libdi

• Raqam = sahna raqami (1.jpeg / 1.mp4 bilan mos).
• Matnni «Ovoz» bo'limidagi 1. Matn maydoniga joylang yoki loyiha papkasiga ovoz_matn.txt qilib saqlang.
• Shu matn subtitr uchun ham ishlatiladi.

AI'ga shunday yozing:

Har sahna uchun diktor matnini raqamlab yoz: 1. … 2. … — faqat matn, izohsiz.

Maxfiylik: tekin variantda diktor matni Microsoft'ning ovoz xizmatiga, sifatli variantda to'g'ridan-to'g'ri OpenRouter va Google'ga, ularning shartlari asosida yuboriladi — KM serverlariga hech narsa ketmaydi. OpenRouter kaliti faqat kompyuteringizda, shifrlangan holda saqlanadi.

5. Subtitr

Chapdagi «Subtitr» bo'limida kalitni yoqing (namuna darhol ko'rinadi) va natijani tanlang: videoga yozish (kuydirilgan) va/yoki SRT fayl — YouTube'ga alohida yuklash uchun (YouTube Studio → Subtitrlar → Fayl yuklash).

Matn loyiha papkasidan o'zi topiladi:

• ovoz_matn.txt yoki senariy.txt — raqamlangan ro'yxat (1. … 2. …, namuna);
• segments/*.json — KM Studio yoki senariy JSON'i (text va scene maydonlari);
• 7.txt — har sahnaga alohida matn fayli;
• .srt fayl — o'z vaqtlari bilan.

Yoki matn faylini o'zingiz tanlang. TTS teglari ([sigh], <short pause>) olib tashlanadi. Vaqt har sahna ovoziga moslanadi, jimlik joylari hisobga olinadi — internet ham, AI ham kerak emas.

• klassik — oq matn, qora kontur
• quti — shaffof quti ustida
• reels — katta harf, bir qator, faol so'z rangli
• karaoke — so'zlar aytilishi bilan bo'yaladi
• sariq — sariq matn, qalin kontur
• kino — kichikroq, yumshoq soya
• neon — ko'kish nur
• pop — bo'lak «sakrab» chiqadi
• lenta — rangli lenta ustida to'q matn
• minimal — ingichka, kichik, soyali

Har uslubda shrift, o'lcham, joy (pastda, o'rtada, tepada va siljitish), matn, urg'u, kontur va fon ranglari, fon shaffofligi, katta harf, qatordagi so'zlar va qatorlar soni, animatsiya (pop, fade, slide) sozlanadi.

Faol so'z (reels, karaoke) vaqti ovoz uzunligidan hisoblanadi — nutq so'zma-so'z tanilmaydi, shuning uchun biroz farq qilishi mumkin.

6. Sozlamalar

Sozlamalar keyingi ochilishda eslab qolinadi. Har biri chapdagi o'z bo'limida: «Ko'rinish» — format, sifat, kadr tezligi, rasm harakati, o'tishlar va logo; «Musiqa» — fon musiqa; «Chiqarish» — saqlash joyi, fayl nomi, bo'limlar, muqova va kodlash; «Ovoz» — ovozsiz sahna uzunligi va bitta uzun ovoz. Montaj tugmasi va jarayon pastki panelda — qaysi bo'limda bo'lsangiz ham ko'rinib turadi.

7. Sinov va montaj

1. «Sinov (5 sahna)» — birinchi 5 sahnani tez rejimda yig'adi (odatda 1–2 daqiqa). Subtitr, o'tish va musiqa balandligini shu yerda tekshirib oling.
2. «Montajni boshlash» — to'liq video. Pastki panelda bosqich (sahnalar, o'tishlar, subtitr, ovoz) va taxminiy qolgan vaqt ko'rinadi (qaysi bo'limda bo'lsangiz ham); jarayonni istalgan payt to'xtatish mumkin.
3. Tayyor bo'lgach — pastki panelda «Ochish» va «Papkada ko'rsatish»: <nom>_montaj.mp4 va yoqilgan bo'lsa .srt, _bolimlar.txt, _muqova.jpg.

Tezlik kompyuterga bog'liq. Video karta kodlashni bir necha barobar tezlashtiradi. Eng sekin qism — qisqa klipni silliq sekinlashtirish (oraliq kadrlar qo'shiladi); qoralama uchun «Tez rejim» — ancha tez, sifati biroz past. Dastur natija uzunligini sahnalar yig'indisi bilan solishtiradi va farq bo'lsa ogohlantiradi.